سرقوا سفنجتى الجديدة!!!!!

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

الجامع الجديد الفي نُـص الخرطوم .... ( شكلو ) رائع وبيجمع بين
القداسة والفن الهندسي .... بعد خطبة مليانة مواعظ وصلاة مسكونة
خشوع .... طلعت لقيت شبشبي مافي ! ... يا جماعة ! .... يا مُــصلين !
.... شبشبي البني العاجبني ( إتــلَــحَــسْ ) ! ... ووين ؟ .... في الجامع ! ...
وياتو جامع ؟ .... جامع الهنا !

( حرامي الجامع ) ما ظاهرة جديدة ، وإنما قديمة قــُــدم ( الدّكـوة ) ...
بتذكر زمااان وانا صغير _ تحت سن التمييز _ اخوي الكبير ساقني معاهو
الجامع .... يا سلام جدْ كنت فرحان ... وفرحان شديد ... كيف ما افرح وانا
ماشي الجامع ! .... كنت لابس ( عراقيني ) وسفنجتي الجديدة .... كان لونا
اخدر وعاجباني شديد .... بس للأسف بعد الصلاة لقيناها ( إطلطشت ) ....
في اليوم داك انا بكيت جـنِـسْ بكا .... بكا خُــرافي .... ( وكرهت الـ.... واليوم
الجابني الـ.... ) ... بكيت وجوّاي كل إحساس الحُـزن الفي الدنيا ....
بس ختيت في راسي حاجة وااااااحدة ( لازم اجّـــع سفنجتي من الجامع ) ...
وهاك يا انتظار .... منتظر يوم الجمعة بفارق الصبر .. !

يوم الجمعة ... قبل الساعة عشرة صباحاً انا كنت ( مُـصنقر ) في نُص
الجامع .... مشيت براااااي .... ويا كافي البلا مشيت حفيان وبدون وضو ...
يعني نيتي وااااضحة ومُعلنة ..... علي بالايمان الخطبة انتهت وانا ( إطرشني )
ما سمعت منها ولا حرف .... وقولة ( السلامُ عليكم السلام عليكم ) انا كنت
( إنحَـشَرْتَ ) في اقرب سفنجة خدرة ... صَحي كانت اكبر مني شوية لكن منو
البِقنِعني انو دي ما حقتي .... رجعت البيت وانا ( اقدِلْ ) ... الحَــقْ ... حَـقْ ...
ودا حقي رجعتو بضراعي .... !!!

( جُــــــووّا الموضوع )

الحقوق المادية والمعنوية من المقدسات ... ومن الواجب حمايتها ، والتعدي عليها
يُـعتبر جريمة ، والجريمة مهما كانت بسيطة أو كبير هي في النهاية جريمة ...
لكن ما أعنيه هنا هو ان هناك ظروف مُـصاحبة لوقوع الجريمة ( ذي مكان ووقت
وقوعها .... شخص الجاني أو المجني عليه .... ) بمجرد توفرها تكون الجريمة
اكثر قُبحاً .... واعمق جُرحاً .... !
لذا لا تُـفارق مُخيلتي براءة الطفلة ( مرام ) ..... ولا قُبح ذاك المتهم بالتخلص
من حوالي (40) من الأجنة المجهضة .... ووين ؟ ..... في ( عيادة طبية ) خاصة !

التعظيم والإجلال لكل دُور العبادة .... والحب والحنان لكل اطفال العالم .... والتقدير
والإحترام لأنبل المهن واشرفها ........................... !

ملطوووووووووووووووشلطشه اخير السفنجة

تحياتى،،